 |
| Unkosikazi oboshiwe |
Kuboshwe unkosikazi ngokukhokhela inkabi ukuthi ibulale umyeni wakhe oyiphoyisa lomgwaqo ngemuva kwezinyanga ezimbili elotsholiwe.
UBanele Sikhosana, oyiphoyisa lomgwaqo le-EMPD, udutshulwe wabulawa ngesonto eledlule ngesikhathi evula i-tuck shop yakhe elokishini lakwa-Thema.
Umkakhe uboshiwe ngoLwesihlanu ntambama (izolo) elungiselela umngcwabo, ngezinsolo zokuhlela ukubulawa komyeni wakhe esizwa ushayasibhamu ovume icala.
Lokhu kubikwa bekungekona okokuqala ezama ukumbulala uSikhosana; ngaphambilini wasinda lapho ezama ukumdlisa ushevu.
Ibamba leNhloko yamaPhoyisa e-EMPD uJulius Mkhwanazi lithe umshayi wakhokhelwa ngunkosikazi kaSikhosana, inkokhelo yokugcina yenziwa ngemuva kokushona kwakhe. Amaphoyisa asalandela omunye umsolwa.
0 Comments