Kushone abantu ababili (2) ngesikhathi iveni yohlobo lweToyota ishayisana neVW Polo

Kushone abantu ababili (2) engozini eyenzeke phakathi kweGcuwa neDutywa e-Eastern Cape ngoLwesibili mhlaka 10 February 2025.

Iveni yohlobo lweToyota ishayisane nemoto yohlobo lweVW Polo emgwaqeni onguthelawayeka u-N2, kwashona abantu ababili kule ngozi. 

Umshayeli wesilisa weVW Polo, obehamba nowesifazane, bashonele endaweni yesigameko.

Evenini lohlobo lweToyota bekukhona owesilisa nowesifazane, bobabili bathole imihuzukwana baphuthunyiswe esibhedlela eGcuwa.

UNgqongqoshe wezokuThutha esifundazweni sase-Eastern Cape, uSir Xolile Nntha, ucela abashayeli ukuthi bashayele ngokucophelela njengoba imigwaqo eminingi esifundazweni imanzi ngenxa yemvula enamandla. 

Uphinde wedlulisa amazwi enduduzo emindenini elahlekelwe ngamalungu ayo, efisela abalimale engozini ukululama okusheshayo.

Kuvulwe icala lokubulala ngokungenhloso esiteshini samaphoyisa esiseduze.

Umthombo: https://www.facebook.com/share/p/1YaV5qs1qN/