Isidumbu somfana waseMgungundlovu obefunda eKapa, obedukile sitholwe emakhazeni

Isidumbu somfana waseMgungundlovu obefunda eKapa, obedukile sitholwe emakhazeni. 

Bese kuyizinyanga ezinhlanu umndeni wakwaManyoni eMgungundlovu KwaZulu-Natal ufuna ukuthola indodana yawo eyalahleka eKapa ngo-Agasti nyakenye. 

Umndeni usuthole ukuthi uSbonga Manyoni  uminze eClitton Beach eCamps Bay, isidumbu sakhe ebese siqala ukonakala sakhafulwa ulwandle.

Umgijimi owayezidlulela wabikela amaphoyisa, isidumbu sikaSbonga sabe sesigcinwa emakhazeni kahulumeni wendawo njengomuntu ongaziwa, wacishe wangcwatshwa njengomuntu ompofu. 

Umndeni uthole ulwazi ngokuminza kwakhe muva nje, kanti imininingwane ivele kothile obone ezinkundleni zokuxhumana ecela usizo lokumthola, bakwazi ukusibona kahle isidumbu sakhe. 

USbonga  Manyoni ubefunda ekolishi laseKapa, ​​kanti ugcine ukubonakala ephuma eCity Campus yedwa ngo-Agasti 20 nyakenye.

Umndeni usulungiselela ukuthutha isidumbu sakhe sisuka eKapa, usiyise eMgungundlovu ukuze uyongcwatshwa ngesizotha.

Umthombo: https://www.facebook.com/share/p/18GR997smi/