Abafundi abathathu balaliswe esibhedlela ngemuva kokuhlaselana esikoleni saseThekwini, iCentenary Secondary School.
Abafundi abangabafana abathathu baphuthunyiswe esibhedlela kulandela ukulwa esikoleni saseThekwini iCentenary Secondary ngoLwesibili ekuseni. Kuthe kusanda kushaya ihora lesishiyagalolunye-9 isikole sabhalela abazali incwadi ezishoyo ukuthi izifundo zimisiwe nokuthi abazali benze izinhlelo ezidingekayo zokuqoqa izingane zabo. "Isikole sizoqhubeka njengokujwayelekile ngoLwesithathu. Usuku lwesithathu lohlelo lwezikhathi luzoqala ukusebenza," kusho isikole. Kusolwa ukuthi lezi zimpi zisukela esigamekweni sokucwasa esikoleni. Amathimba onogada aphuthume esikoleni ukuyosiza
Ama-video asabalele ezinkundleni zokuxhumana akhombisa abafundi behlaselana ngaphandle kwesikole ngesikhathi omakhelwane beqopha lesi sigameko bebuza ukuthi kungani ezokuphepha zingangeneleli.
Ngaphandle kodlame isikole sithe “isikole sizoqhubeka njengokujwayelekile [ngoLwesithathu]”.
Kodwa-ke, izwi eliphuma komunye othi uzibonele lesi sigameko linxuse abazali balabo abathintekayo ukuthi bahlangane esikoleni ngoLwesithathu.
Uthe amaphoyisa abizwe ngesikhathi kuqubuka impi phakathi esikoleni.
“Bazamile ukudambisa isimo kodwa kwangalunga. Izingane zikhishwe kwaze kwangenelela nabazali, bashaya ezinye izingane. Indikimba ebusayo idinga ukuthatha isinyathelo esiqinile. Abazali kumele bahlangane esikoleni kusasa [ngoLwesithathu],” usho kanje
0 Comments