Owesilisa waseNdiya, uGurumurthy, kubikwa ukuthi ubulale unkosikazi wakhe, uMadhavi wabe esepheka izitho zomzimba wakhe ku-Pressure Cooker.
Amaphoyisa adalule lokhu ngoLwesithathu, athe umsolwa uzivumele yena icala lokubulala.
Baveze ukuthi owesilisa uphinde wavuma ukuthi wakhipha izitho zomzimba wakhe ezindaweni ezahlukene
Amaphoyisa, nokho, athi ayaqinisekisa izimanga zowesilisa oneminyaka engu-45 ubudala, engeza ngokuthi azikho izitho zomzimba zowesifazane, uP Venkata Madhavi.
Umsolwa ubesebenza njengonogada esikhungweni seDefence Research and Development Organisation eKanchan Bagh.
UMadhavi uduke ngoJanuwari 16 endaweni yaseHyderabad's Meerpet. UGurumurthy ushade noMadhavi iminyaka engu-13 kanti lezithandani zinezingane ezimbili.
Amaphoyisa athi uGurumurthy, owayehlala eNew Venkateshwara Nagar Colony, eMeerpet, wazama ukubadukisa ngokujoyina abasekhweni lakhe ukuze afake isimangalo emaphoyiseni ngoJanuwari 18. Ngesikhathi kuqhubeka uphenyo, uGurumurthy watshela amaphoyisa ukuthi unkosikazi wakhe wahamba ekhaya esendleleni ethukuthele egane unwabu ngemuva kwengxabano phakathi kwabo ngoJanuwari 16 ekuseni wangabuya.
Njengoba umsebenzi wokuthungatha uMadhavi ushuba, amaphoyisa aqala ukusola umyeni aphinde amphenya. UGurumurthy kuthiwa uvumile ukuthi wenza leli cala. Ngokusho kwamaphoyisa, lezi zithandani bese kunezinsuku zixabana njalo.
Umthombo: https://www.gistreel.com/indian-man-kills-cooks-wife/
0 Comments