Ibamba likathishanhloko lise-ICU ngemuva kokudutshulwa amahlandla ayisithupha esikoleni

Ibamba likathishanhloko lise-ICU ngemuva kokudutshulwa amahlandla ayisithupha emagcekeni esikole

Ibamba likathishanhloko waseNorthview High School, eGoli, lidutshulwe amahlandla ayisithupha ehhovisi lalo ngoLwesibili esigamekweni esishaqisayo esishiye umphakathi wezemfundo ukhexile.

Imininingwane idalulwe wuMnyango wezeMfundo eGauteng (GDE) ngoLwesithathu ekuseni.

Uthishanhloko udutshulwe ngamadoda angaziwa. 

Amadoda amabili abehlomile angena emagcekeni esikole enza sengathi athole ikhotheshini yokugawula izihlahla ngaphambi kokuba ahlasele.

"Ngokwemininingwane esinayo, amadoda amabili ahlomile angena emagcekeni esikole ngoLwesibili ekuseni enza sengathi abone ibamba likathishanhloko ukuze limnike ikhotheshini yokugawula izihlahla," sifundeka isitatimende somnyango.

Kubikwa ukuthi abahlaseli bangene ehhovisi lebamba likathishanhloko bavele bavulela ngenhlamvu, bamdubula amahlandla ayisithupha ngaphambi kokubaleka endaweni yesigameko.

Uthishanhloko e-ICU

Kulandela lesi sigameko sokudubula uMnyango uveze ukuthi uthishanhloko uphuthunyiswe esikhungweni sezempilo kanti kumanje usegunjini labagula kakhulu (ICU).

UNgqongqoshe wezeMfundo eGauteng uMatome Chiloane uzwakalise ukushaqeka okukhulu ngalesi sigameko.

“Singumnyango sishaqekile ngalesi senzo esibi sodlame nokungabi namthetho, esingagcinanga nje ngokukhomba umholi wesikole kodwa sidicilela phansi ubungcwele besikhungo sethu semfundo.

“Sisebenzisana kakhulu nabomthetho ukuqinisekisa ukuthi abenzi bobubi bayaboshwa. Imicabango nemikhuleko yethu ikubamba likathishanhloko, umndeni wakhe kanye nomphakathi wesikole kulesi sikhathi esinzima, simfisela ukululama okusheshayo,” kusho uChiloane.

Umnyango ukuqinisekisile ukuthi "kumanje uphenyo lwamaphoyisa mayelana nezimo ezithinta lesi sigameko"

Ukwengeza, ithe uphiko lwePsycho-Social Support luzothunyelwa ngoLwesithathu ukuze lunikeze izeluleko ezidingekayo zokwelulekwa kwabafundi nothisha okungenzeka ukuthi bathintekile kulesi sigameko.

Umthombo: https://www.citizen.co.za/news/south-africa/crime/acting-principal-shot-six-times-on-school-premises/amp/