Kushone intombazane eneminyaka engu-7 ubudala ngemuva kokudla ama-chips e-Go-Slo anesibulala zinambuzane ewathenge eSpaza
Ukhungathekile umndeni ngemuva kokuba indodakazi yawo eneminyaka engu-7 ubudala ishonile ngenxa yokudla ama-chips e-Go-Slo anesibulala-zinambuzane esiyingozi ewathenge eSpaza.
U-Azra Rahim, 7, waseBrakpan, e-East Rand,ushone ngemuva kwezinsolo zokuthi udle iphakethe lamaships eGo-Slo okukholakala ukuthi wayewathenge e-tuckshop eBenoni.
Ukuhlola ngalesigameko kwembule imikhondo ye-Terbufos, isibulala-zinambuzane esibulalayo esisetshenziselwa ukususa izinambuzane namagundane, egazini lakhe.
Lo mfundi kaGrade 3, obezogubha usuku lwakhe lokuzalwa ngoLwesine (February 13), ushone mhlaka 30 Januwari 2025.
Ubabekazi wakhe, uCylicia Pillay, wasePhoenix, uthe umshana wakhe ugule ngemuva kwamahora ambalwa ebuyile esikoleni.
Uthe ngesikhathi udadewabo, uCarmyn Crystal Pillay, elanda u-Azra esikoleni, wayedla ama-chips waqhubeka nokuwadla emotweni ngesikhathi besendleleni eya ekhaya.
Ngaleso sikhathi udadewethu ubengacabangi ukumbuza ngama-chips nokuthi uwathathephi,” kusho uPillay.
Uthe isikole sika-Azra besimhlinzeka ngesidlo sasemini nsuku zonke kanti ubethatha ukudla kwakhe ekhaya, ebekuphakelwa ngunina.
"NgoJanuwari 30, u-Azra waya esikoleni njengenjwayelo. Udadewethu wampakishela ukudla okulula kwamabhisikidi e-cheddar. Wazi ngesikhathi u-Azra edla ukudla kwakhe, ngoba wayehlale eshiya i-wraper engenalutho ebhokisini lakhe lokudla. Kodwa ngalolu suku, kwakungekho lutho ebhokisini lakhe lokudla," kusho uPillay.
Uthe kamuva ngalobo busuku, u-Azra wakhononda ukuthi uzizwa egula.
“Naye ubengadlile isidlo sakusihlwa, u-Azra ubebukele umabonakude ngesikhathi etshela unina ukuthi akaboni lutho, wathi uphathwa yisiyezi wase equleka, abazali bakhe bamthathe bamfaka ekamelweni lakhe bazama ukumunesa,kodwa waquleka,” kusho uPillay.
Uthe abazali bakhe babe sebemphuthumisa esibhedlela iDalview Life, lapho odokotela bazama khona ukumsiza imizuzu engu-20.
"Odokotela batshele udadewethu ukuthi bazama ukumsindisa. Nokho, ngemva kwemizuzu engu-20 udokotela wabatshela ukuthi u-Azra udlule emhlabeni. Ukuhlolwa kwakhe kwabonisa imikhondo ye-Terbufos egazini lika-Azra. Lesi sibulala-zinambuzane sifana nobuthi bamagundane, futhi siyabulala kakhulu uma sidliwe," kusho uPillay.
Uthe bakholwa wukuthi ama-chips ake afakwa isibulala-zinambuzane ngaphambi kokuthi alethwe e-tuckshop.
Imininingwane eyengeziwe ku https://www.arrivealive.co.za/news.aspx?s=1&i=70797&page=a-7-year-old-dies-after-eating-chips-contaminated-with-a-deadly-insecticide-in-the-east-rand
 edle ama-chips e-Go-Slo anesibulala zinambuzane ewathenge eSpaza){kind=link}
0 Comments