Kushone amalungu amabili ombutho wezokuvikela waseNingizimu Afrika (i-SANDF) engozini yemoto eNorthern Cape.
NgoLwesihlanu, ngomhlaka-7 Febhuwari, iloli le-SANDF ebelithwele amasosha angu-19 liphaphalaze emgwaqeni u-R31 phakathi kweKoopmansfontein neDelportshoop.
Ngokusho kukaLieutenant Colonel Sergio Kock, okhulumela amaphoyisa esifundazweni, abaphenyi baphenya icala lokubulala ngokungenhloso.
"Iloli belithwele amalungu angu-19 e-SANDF esuka enkanjini ye-Lohatla Army elibangise eKimberley ngesikhathi kwenzeka ingozi ngoLwesihlanu ntambama," kusho uKock.
Ngokusho kwakhe, la masosha amabili ashonele khona lapho.
Amalungu angu-17 e-SANDF alimele bathunyelwe esibhedlela ukuze athole usizo lwezempilo, kwathi amalungu amabili e-SANDF—owesilisa nowesifazane—ashonela khona lapho.
"Uphenyo lwamaphoyisa luhlanganisa nembangela yengozi," kusho uKock.
Umthombo: https://www.iol.co.za/news/south-africa/northern-cape/vehicle-crash-claims-lifes-of-two-sandf-members-in-the-northern-cape-de35e3e6-d77d-4897-99ed-0b5343ea6ee
0 Comments