Amaphoyisa ashayelwe ihlombe ngokusiza umfana (8) oswele ngokumthengela umfaniswano wesikole.
Izithombe zamaphoyisa ombutho wamaphoyisa aseNingizimu Afrika ziyathrenda ezinkundleni zokuxhumana ngemuva kokusiza umfana oswele ngokumthengela umfaniswano wesikole.
Amaphoyisa e-SAPS aseLadybrand esifundazweni sase-Free State enze okungaphezu komsebenzi wawo wokuhubha izigebengu ngesikhathi ezithela phezu komfana oneminyaka engu-8 ubudala owayengenawo umfaniswano wesikole futhi enamahloni okuya esikoleni.
Amaphoyisa anquma ukungena esitolo amthengela umfaniswano wesikole,abe esemgunda izinwele aphinde amenzela iphathi yosuku lwakhe lokuzalwa.
Lama phoyisa ashayelwe ihlombe ngokubona izinselelo ezibhekene nabantu abaswele emphakathini njengoba akubona ukubaluleka kwemfundo futhi akhipha imali emaphaketheni awo athengela umfana omncane umfaniswano wesikole.
Umfana uphuma emndenini oswele ngempela futhi odinga ukulekelelwa.
Amalungu amaphoyisa abongwe ngabantu abaningi ezinkundleni zokuxhumana ngokuphana kwawo nokukhombisa ubuntu, aphinde agqugquzelwa ukuthi aqhubeke nokwenza konke okuhle akwenzayo emphakathini.
Umthombo: https://www.facebook.com/share/1PL2eLSjsR/
 oswele amthengela umfaniswano wesikole){kind=link}
0 Comments