Intombazane (16) ibulawe ngumfana oneminyaka engu-15 ubudala ngemuva kokunqaba ukumqabula

Intombazane eneminyaka engu-16 ubudala ibulawe ngumfana oneminyaka engu-15 ubudala ngemuva kokuba inqabe ukuqabula lomfana. 

Ugwetshwe iminyaka engu-10 ebhadla ejele umfana, 15, waseKapa ngecala lokubulala intombazane eyanqaba ukumqabula, kusho amaphoyisa aseWestern Cape.

Lesi sigameko esibuhlungu senzeka ngonyaka odlule lapho umfana eya kule ntombazane, 16, efuna ukuqabulwa. Lapho enqaba, wamgwaza washona kulokho amaphoyisa akuchaza ngokuthi "isenzo sobudlova  nesingenangqondo." Intombazane, eligodliwe igama layo ukuze kuvikelwe ubumfihlo bomndeni wayo, ishonile ngenxa yokulimala kwayo endaweni yesigameko.

Leli cala lidonse amehlo abantu abaningi, lagqamisa ukwanda okushaqisayo kodlame olusekelwe kubulili eNingizimu Afrika, ngisho naphakathi kwezingane.

Ngesikhathi kuqhubeka icala abashushisi bethula ubufakazi obukhombisa unya lwecala. 

Lapho likhipha isigwebo, ijaji eliphethe lithe, “Leli cala ligcizelela isidingo esiphuthumayo sokubhekana nesimo sengqondo esinobuthi ngabesifazane namantombazane. Inkantolo iyabubona ubudala bomoni kodwa ayinakubushalaza ubucayi bezenzo zakhe.”

Umfana, obunikazi bakhe obuvikelwe ngaphansi kweChild Justice Act, uzodonsa isigwebo sakhe esikhungweni sezingane. Inkantolo iphinde yakhipha umyalelo wokuthi ayolulekwa ngokwengqondo ngesikhathi eboshiwe ukuze kubhekwane nokuziphatha kwakhe kanye nokugqugquzela ukuziphendulela.

Abaholi bomphakathi nezishoshovu bazwakalise ukucasuka ngalesi sigameko base bevuselela ikhwelo lokuthi kuthathwe izinyathelo zokulwa nodlame olubhekiswe kubulili. “Leli cala elibuhlungu lisikhumbuza ukuthi ukuhlukunyezwa kwabesifazane namantombazane kuvame ukuqala ngokwehluleka ukufundisa abafana ngenhlonipho nemingcele,” kusho uNomzamo Mthethwa, ongumgqugquzeli wendawo wokulingana ngokobulili.

Umndeni kamufi usamukele isigwebo kodwa wazwakalisa ukudabuka ngokulahlekelwa yimpilo esencanw ebithembisa lukhulu. “Sithandazela ukuthi le nhlekelele ibe yisifundo nakwabanye. Akekho umzali okufanele abekezelele ubuhlungu bokulahlekelwa ingane ngale ndlela,” kusho uyise wentombazane.

Leli cala livuse izinkulumo mo-mpikiswano ezintsha mayelana neqhaza lemindeni, izikole, kanye nemiphakathi ekubumbeni izimo zengqondo ngabesifazane kanye nokuqinisekisa ukuthi izinhlekelele ezifanayo ziyavinjelwa esikhathini esizayo.

Umthombo; https://x.com/News24/status/1884330960008655235?t=lR1SWBBnHDAo7PMfj4TV6Q&s=19